الأربعاء، 13 مايو، 2009

إشرب قبل لايحوس الطَّين صافيها ؟


من بادي الوقت
كلمات الأمير: خالد الفيصل
من بادي الوقت هذا طبع الأيام
عذبات الأيام ما تمـدي لياليهـا
حلو الَّليالي تواري مثل الأحـلامِ
مخطور عنَّي عجاج الوقت يخفيها
أسري مع الهاجس الَّلي ما بعد نامِ
وأصوِّر الماضي لنفسي وأسلَّيهـا
أخالف العمر أراجع سالف أعوامِ
وأنوَّخ ركاب فكري عند داعيها
تدفى على جال ضوَّه بارد عظامي
والماء يسوق بمعاليقي ويرويهـا
إلى صفالك زمانك علِّ ياظامـي
إشرب قبل لايحوس الطَّين صافيها
الوقت لو زان لك ياصاح مادامِ
ياسرع ماتعترض دربك بلاويهـا
حتَّى وليفك ولو هيَّم بك هيـامِ
سيَّور الايَّام تجنح بـه عواديهـا