من ابداعات المرحوم : عبدالله فضاله
العجايزأحمد الله واشكره واثني عليه *** كافل الأرزاق خلاق الأمم
جل شانه مالنا رب سواه *** موجد المخلوق كله من عدم
ياإله العرش يامن لايضاه *** أسئلك وادعوك باسماك العظم
تفكني من شرعجز جايرات *** هن تبلني تقل طلاب دم
كلهن عندي على ماقال دين *** محللات بجورهن ماقد حرم
غافل عنهم ولافيهم دريت *** لكن العجز امحنني بالتهم
أربع وافيتهن أمس الضحى *** في طريج السوق يامال الوهم
ملتفت خلفي ولاهن واجفات *** أوقفن امشبهرات كالغنم
قالت الأولى سمعنا جيل مات *** وهذا هو حي يتركز كالعلم
ماهقينا يقوم من ذاك المطيح *** صقعة تصقعه مسرع سلم
مايموت بساع طراد الهوى *** وابليس مايخرب العشه لوهدم
قالت الأخرى وهي صوبي تشير *** إفطنوله زين مابقلبه رحم
من يبشرني بموته لويموت *** أعطيه ما أملك واكتب بالقلم
له على نفسي ولا هذا جزاه *** من يفك العجز من هذا الصنم
الثالثه قالت وهي تمتاز غيض *** صددوه بسكة وبننتقم
نضربه ياناس لين انه يموت *** نقطع الأنفاس منه والنسم
قبل يالانه ترا ماله أمان *** وان تولانا ترا فينا حكم
مابقلبه رحمة لوهو يقول *** لو ينال العجزخلاهن رجم
الرابعه قالت تراكن قاصرات *** ماعرفتوا كلكم صرتوا غشم
ذا جزاه بليل روحوا واعزموه *** وبرزوله بالقضي ترف الجزم
قولو المجمول طرشنا عليك *** املزم يبغيك هذا ما لزم
لي سمع تطروله صافي الجبين *** أبرم الساقين مروي الجسم
أدعج العينين ياويله عليه *** بنت ذاك وذاك تخدمها الخدم
يبي يجي معكم ترا في كل حال *** واظهروا له بالطريج من الكرم
ولي دخل للبيت خل يكتب وصاه *** نربطه وانزيد برباط عسم
وفي قصاميل السعف نركض عليه *** نضربه لين يغدي جسمه لحم
ذاجزا منهو يصير لنا حريص *** من يعادي العجز يبشر بالندم
أنظر الصغرى بهم تسعين عام *** عمرها والشيب بالراس احتدم
تلتفت واتقول سمعوا يابنات *** كلكم بالعرف من أهل العزم
ساعدوني وكلنا نهجم عليه *** هجمة الماخوذ في يوم الزحم
يحسبني بكل هذا مادريت *** وعن حجيهن يحسبني في صمم
مادرن إني لهن أكبر خصيم *** أترقب كل فرصه واغتنم
أغتنم لهلاكن مهما قويت *** ودي أهلكهم وهم صم بكم
حيث موت العجز نفرح به جميع *** جعلهن في النار تودعهن عدم
إلتفت وقلت ياعجز الطغاة *** واشتبن بي واجفات كالبقم
تنظرن واعيونكم مثل النذيل *** كم واحد منكم على غيظه كظم
جنكم في الأرض صرتوا موكلات *** تدعون الدين واشراف الذمم
وين مسباح العياره في النهار *** تعلجونه للتهلل يازعم
في ظلام الليل كلكم تركضون *** وفي نهارالناس تطوون العمم
والله اني كامن بعرض الطريج *** ناصب لكم الشرك ياأهل النمم
ومن لقيته منكم بجمد عليه *** واستوي لقلوبكم مثل السهم
قالت ارفق يافتى علمك غديت *** ليش تنكرنا وحنا من جدم
لك على المجمول حنا مساعدين *** كم ليلة جيناك تسمعنى النغم
والحبيب اللي تبي معنا يسير *** في الظلام انجيبلك ترف الجدم
قلت ماني لقربكم والله حريص *** من يجاربكم يجارب داب سم
حية تسعين وانتي تلدغين *** نملة تمشي على ريح الدسم
لكن الله اللي كشف سترك زتات *** بكشف المخشوش واظهر ماانكتم
وافضحك مااطول خلق الله وجود *** واشهرك كالنار من فوق العلم
قفن القشرات وهن محندبات *** راحن اربعهن يخفون الجدم
اركضن واعبيهن خطر تطير *** والمرافج تومي وماي وهم
مثل سحر قيس ولن مدبرات *** طارن السحر وتم الجيل تم
حفظ الله الكويت أميرا وشعبا من كل مكروه
دمتم بود .........
وسعوا صدوركم بس