الخميس، 2 سبتمبر، 2010

مطلوب وزير للعمل صبي لدى عائلة كويتية ؟



بما إن إحنا بالكويت وكل شي صار فوضى ومهزلة ومصخره ليش احنا قاعدين ليش ما ندش بلويتهم ونوريهم إن إذا الناس بدش بمعمعتهم يقدرون يتفوقون عليهم بهالمهازل ؟

يلا نقول بسم الله

مطلوب رئيس الحكومة أو أحد وزرائه للعمل كسائقين لدى عائلة كويتية كما يتوفر وظيفة شاغرة ( مندوب ) شرط الخبرة الراتب يتحدد حسب الخبرة وقوة التحمل ؟

ما سبق هو أقل أقل أقل شيء ممكن أن نفعله .

شفيك شالسالفه ؟

أنا أقول :

اقرو هالخبر :

90 طيار في الكويتية طلبوا نقلهم إلى البلدية بعد خصخصة الخطوط الجوية الكويتية .

رابط الخبر :
http://alshahed.net/index.php?option=com_content&task=view&id=55431


بعد بعد نبي أكثر إثبات إن الحكومة حكومة قواطي وعقليات منتهية الصلاحية ؟

كويتيين يرفعون أكبر راس وطيارين ينافسون أكبر طيارين العالم تسوون فيهم جذي صج صج طيح الله حظكم وحظ مستشارينكم وحظ اللي علمكم السياسه .

قلنالكم ماكو حكومة من زمان محد صدق
قلنالكم ماكو احساس محد صدق
قلنالكم التجار اهم اللي يقودون الديره محمد صدق
قلنالكم إن الوزراء مجرد حطب دامه محد صدق
قلنالكم وقلنالك وقلنالكم وهذي أخرتها طيار يودونه حق أكبر مركز فساد بالكويت

بعد شبقى إذا الطيار يطلع ويشتغل بالبلدية شبقى خلي الوزير يشتغل سايق عندنا مو أحسن ؟

بعد بعد نبي ذل حق الكويتيين أكثر من جذي

عليج السلام يا ديرة الخير


حفظ الله الكويت أميرا وشعبا من كل مكروه

دمتم بود ............


وسعوا صدوركم بس


video

video

video