عقوبته الحبس أوالغرامة
برلمان الفلبين يوافق على تجريم من يخطيء بالنشيد الوطني ؟
ألفي دولار غرامة أو السجن لعامين ، تلك هي العقوبة التي صادق عليها كقانون البرلمان الفلبيني لكل من يخطئ في إلقاء النشيد الوطني أو يعزفه ببطء وإيقاع خاطئ ويعاقب القانون الجديد كل من يضيف على كلمات أو إيقاع النشيد الوطني الفلبيني .
شوفو بس شلون يعتزون بالنشيد الوطني وشلون يعطون قيمة معنوية ووطنية لوطنهم لا وبشده وبحزم بعد !
بالضبط نفس اللي عندنا :)
ترى الصج عندنا وايد الله بالخير ما يعرفون النشيد الوطني وفي بعض وصج صج ما يعترفون بالنشيد الوطني تخيل كويتي ما يعترف بالسلام أو النشيد الوطني شلون صار كويتي ما تدري ؟؟؟
بصراحه الفلبين دولة شعبها سدح حكومته بالأرض ، وطيح برلمان فأثبت أن شعبها أهل إرادة حره بالفعل ، وأنتو هني طايحين فيهم زف وصراخ لا والبعض يخلي الفلبينية تغسل سيارته !!! يا أخي خلها بعد تبدلك دهن وسفايف :)
تخيلو النائب محمد هايف فلبيني وما يقوم حق السلام الوطني مثل ما سوى عندنا ... شبيسون فيه ؟
طبعا من ثقافة مجتمعنا الحين يقولون الكويت ثم الكويت شعنده صافط مع الفلبين اليوم ؟ الله يرحم والديكم خففو سوء الظن لأن خدامتنا الفلبينية سوليداد إن ازعلت بنقط على صخر لا تنظيف غرفه وتبخر ولا غسيل هدوم ....
حفظ الله الكويت أميرا وشعبا من كل مكروه
دمتم بود ...........
وسعوا صدوركم