السبت، 20 نوفمبر، 2010

أنـــت جــــذبـــــه ؟؟؟


تأليف : مدونة الكويت ثم الكويت


أنت جذبه للأسف صدقتها

أنت قصه للأسف عشتها

أنت لحظات يا مغرور دمرتها

أنت الحان على أنغامي جرحتها


ليش غلطتي إني وفيت

ليش عيبي إني شكيت

ليش بلعت جروحي وسكت

ليش تحملت ظنونك ومشيت


ليتك كنت مثل ما عرفتك

ليتك صرت مثل ما كلمتك

ليتك ما غرقتني بقوع بحرك

ليتك رحت وما تركت جرحك


على بالك طعنات الغدر بدوم

على بالك بتروح وما اييك يوم

على بالك الظلم يبحر مثل البوم

على بالك بتفرح بغدر المظلوم


مصيبة على بالك أنت دايم صح

مصيبة إذا تظن أنت فعلا صح

مصيبة لو تكرر غدرك وتفرح

مصيبة إذا حياتك تصيب وتجرح


ياما شفت من زماني أيام وليالي

ياما صبرت على شقى أصحابي

ياما تحملت طعنات خلاني و أحبابي

ياما تبسمت جدام الناس وأنا أعاني


أنت جذبه خذت منى شي كبير وكثير

أنت جذبه خلت قلبي ضايج و أسير

أنت جذبه خلت القلب مجروح وكسير

أنت جذبه خلتني بيوم أفرح وأطير


كابر ومثل دور المهموم والمجروح

كابر وافضح أنك المسكين والمطروح

كابر بأعلى صوتك ليما تصير مبحوح

لكن تقدر تنكر بينك وبين ذاتك أنك قتلت الروح



video

video