السبت، 27 نوفمبر، 2010

قصة القلب العنيد ؟؟؟


تأليف : مدونة الكويت ثم الكويت


لي قصة مع قلب عنيد وصلف وما يطيع

بشكي لك يا بن الكرام سالفة تذكرها من بعيد

لي قلب هفهف بيوم على طيب المحاسن والسنيع

جعلته بكف والعالم كله بكف وطوعني وخلاني طريح

واكتشف القلب غدره وظلمه ونكرانه لطيب الصنيع

ومن ثم داويته وطاب بعد جرح غزر وكان وقت أليم

احتار القلب بخلوته وهو يدور بين ترف وحسين

وللمرة الثانية استوطن حسن المحاسن وبهمسه الحسين

صحا القلب على زلزال بعثر أوراقي بعد ظلم جد عظيم

حلف وتاب هالقلب العليل إن ما يسكنه أبد لا حسين ولا جميل

أخذت أنفاسي تعيش بوحدة كأنها في جنات النعيم

ولا وهلني زماني حتى ارمشت ارموشي على غزال شريد

بلحظه وبوقتها قلب حالي صورتها صارت لي أهي الونيس

لا تجذب لالالا إلا الصج وعلوم الواقع وفرحة القلب الأمين

تقربت منه وأسكنته قلب عليل وسويتله درب لجل يستريح

أبهرني أدهشني حيرني أعجبني فكره وطرحه الخطير

لين نطق تسكت العقول والقلوب تهمس همس الحرير

وربي ما بالغت والعذر على من سمع بالخيال ولا شاف الواقع الجميل

يصدمك بأفعال تحيرك بوقت النذالة والعجاف والتنجيل

لا تلومني لين طار القلب فيه وبالفعل حتى اسمي تغير لجل الأمير

وبلحظه وآآآآه يا لعنة الأقدار قعدت على طعم المر والزمهرير

استذبحت لجل ما اخسره شرحتله أطباعي وأموري والمستحيل

استعطفته ترجيته لجل لا تضيع أيام وليالي ولا ينكسر القلب الحسير

للأسف تكبر تعالى وظن فيني ظنون جني مره حر ومره من أفواج العبيد

رجع القلب لجروحه وطقات قهره ليش هالدنيا مالك فيها نصيب

اليوم أنا أعاني من قهر وحسره على الثالث الأجودي والأصيل

علمني شسوي باسم انحفر بعروق العقل وتنطق فيه الشرايين

احتار هالقلب العليل يداوي المطعون ولا يهدي عقول البراكين

هذي سالفتي يا فلان اكتبها وانشرها لجل العبرة ولو في البلادين

انتبه ولا تغرك مشية وضحكة الترف والمزيون والجميل والحسين

كم من كيان ورسمة طول وكلمة وبسمة جرت وراها حروب وأساطيل

لك توبة يا قلب ما شفت منك غير الشقى وليالي جنها كوابيس

شفايدة الفرح لين طيرك أيام وعقبها تطبع ومحد لصرختك سميع

وين الحنون واللي كان يسطرلك محاسن أخلاقه وأطباعه ولا هو سنيع

يجذب إن قال لا درى ولا سمع جما المنادي لين صرخ على الأصمخ والكسيح

افهم الأبيات واقرى المعاني وافتح دفتر خبرتك وماضيك الوسيع

واحفظ القلب من زلات بالك اطيح بزمن يكسر وما يجبر الحر والأسير

بقفل القلب وبجوي نبضبه لجل راحة جسد وعقل وروح واستريح

وبختامها ألم وحسرة على ما مضى ووقت صعب ينوصف وعسير

وزبدتها احفظ الروح واسند كرامتها بوقت الزمن طيح حظ الأصيل

وبالك تعطي من محصلتك لكل من لازرع ولا حصد يلعب ولاهو حريص



video

video

video