الاثنين، 27 يونيو، 2011

الحريم يبون خرفـــــان ؟؟؟








كل أسبوع لابد أن تأتيني قصة وحكاية علاقة ما بين ذكر وأنثى سواء شرعية أو غير شرعية مثل زوج وزوجة صاحب وصاحبة زواج متعه أو مسيار أو عرفي علاقات صح علاقات خطأ ... حتى اكتشفت أن الشيب قد أكل وجهي من هول ما أسمع وأقرأ وأشاهد ولولا الصبغ والحلاقة لكانوا وضعوني في خانة الإنسان الأول في المتحف العلمي !!!


دولة الكويت الوحيدة على مستوى الشرق الأوسط التي ترعى المرأة المطلقة رعاية ما بعدها رعاية لدرجة التمرد العام والانقلاب الاجتماعي خذ على سبيل المثال لا الحصر :

1-      المطلقة لها راتب وإن كانت لا تعمل ؟
2-      المطلقة قانون الأحوال الشخصية يطيح حظ الريال ؟
3-      العانس لها مساعدة من الشؤون ؟
4-      العانس والمطلقة لهما بيت وقرض حكومي ؟
5-      المطلقة يحق لها كفالة 4 أشخاص من الخدم ؟
6-      تستطيع أن تفتح شركة وتجلب عمالة ما شاءالله ؟
7-      الكويتية من حقها أن تبحث عن سيلاني أفدع وتشيخه غصبا عليكم ؟
8-      المطلقة تستطيع تجنيس أبناءها من طليقها الفلبيني أو المصري ؟
9-      المطلقة تستطيع الاقتراض من البنوك بما لا يتجاوز 70 ألف دينار ؟
10-   المطلقة إذا حطتك براسها راح اتمضمض بضروسك بالمخافر ؟



بمعنى أن حكومتنا عين الرحمن تحفظها يرعت = شجعت الكويتية على العين القوية وبالتالي ارتفاع نسبة الطلاق ليس بالأمر المستغرب ؟



من الآراء التي استطلعتها من الكويتيين عن أسباب الخلافات ووجهة نظر الكويتيات ومطالبهم ( مع عدم التعميم ) كانت كالتالي :-

1-      تبي مزيون ثم مزيون حتى لو ما عنده شهادة ؟
2-      ما تبي فقير ومنتف وطلاب فلوس ؟
3-      تبي كل سنه تسافر مرتين وتحوس بأوروبا ؟
4-      تبي خدامات وسايق وطباخ ما تبي تخرب أظافرها ؟
5-      لازم تعرف وين رايح ومن وين ياي حتى موبايلك تجيك عليه ؟
6-      أنت تطلع تلعن والدا والديك أهي تطلع لا تبطل حلجك ؟
7-      إذا نامت لا تقعدها ولا تزعجها علشان لا تخلي يومك أسود ؟
8-      لها خلق تطبخ ابلع مالها خلق دق على مطعم وتزقنب ؟
9-      لازم أي فون وبلاك بيري وسيارة سنعه علشان البرسترتيج ؟
10-   أنت محاط بنظرة الشك مهما طالت العشرة ولو من خدامة ؟


طبعا اللي تعترض على هالحجي بتقول طاح حظ هالمدونة شنو هذا عمي ما يشوف ولا شهالظلم ؟؟؟

أولا : أنا ما عممت ؟
ثانيا : أنا ما تحجيت على اللي عندها خطين وثلاثة وخمس خطوط حق خرابيطها ؟
ثالثا : أنا ما تحجيت عن اللي المتزوجة وعندها علاقات متعددة ؟
رابعا : أنا ما تحجيت عن اللي شخصيتها قوية وعادمه شخصية ريلها ؟
خامسا : أنا ما يبت طاري اللي يروحون الصبابيح يقرون فنجان ولا يسوون سحوره ؟
سادسا : أنا ما تحجيت عن اللي تبيع جسمها ب50 و100 دينار كل يوم ؟
سابعا : أنا ما تحجيت عن اللي تطلع 100% وتقعد بالمجمعات أدور صيده ؟



بالنهاية أعيد وأكرر ما سبق ليس القصد كل الكويتيات معاذ الله وفي بعض الكويتيات صج اللي ينقال عنها بنت حمولة وبنت أبوها وفحلة وعن 100 ريال


لكن هناك البعض وما ذكرته حقيقة وواقع مجتمعنا مثل باقي المجتمعات ؟


عاد الجكر سكتو لا أسولف عنه صج الله يعين الطب النفسي !!!


أنا أقول العزوبية وايد أبرك من هالمينن



حفظ الله الكويت أميرا وشعبا من كل مكروه

دمتم بود .....


وسعوا صدوركم بس 
video
video
video
video