السبت، 31 ديسمبر، 2011

تصدق إني شفت الخير عقبك ؟




تصدق إني شفت الخير عقبك

تأليف : مدونة الكويت ثم الكويت



شلون انعميت وما شفت حقيقتك
شلون عقلي ما كشف صجيتك
شلون قلبي يخدعني برزتك وكشختك
شلون سطرت كلام ومعاني الوفى بحجوتك

ليش أخذت وقتي وخليته عبث لمصلحتك
ليش لعبت بإحساسي يا المغرور بهيبتك
ليش كل ودك مصلحتك وأنانية راحتك
ليش خليتني مجرد إسم من ضحايا صفحتك

عاد تدري إن ربي يحبني من فارقتك
عاد تصدق إني شفت الخير من عقبك
عاد تدري شكثر ندمت إني عرفت أمثالك
يا كثر حسافتي إني سمحت لنفسي أكلم أشكالك

شوف ربك من عقبي شجرى لحالك
شوف الدنيا شلون أدور ورديت لأصلك
شوف شلون صرت حجوة بلسان البشر من رداتك
شوف شلون صار حالك عقب غدرك وأفلامك

لا تظن أنك غير أو أنك غير البشر بأوهامك
لا تعتقد أنك دايما أذكى وأشطر من ضحيتك
لا تظن أنك كل يوم بتكون دايما بفرحتك
لا تعتقد إن ماكو أحد يعرف جيمتي عقب فعلتك

شوف شلون شكثر تحاسيفك تصدق إني شفت الخير عقبك




دمتم بود .....


وسعوا صدوركم

video
video
video