مريت في حيكم عاني أنا جاركم
قلبي نزل بيتكم وجسمي نزل جاركم
زعلان قلبي رجع يشكيلي من جوركم
يا حيف هذا الوفا كيف انقطع حبله
عاقر أحلامي طلعت وأنا احسب إنها حبله
ما عاد فيني صبر وصوتي انقطع حبله
ملعون قلبي إن عشق بنت ولدت في حيكم
&&&&&&&&&
جمال صبـري علـى دار الحبيـب بـراك
ومـن المدامـع عيونـي تـرسـن بـراك
يا أريش العيـن عينـي بالدجـى تبـراك
والله لا عصـى جميــع النـاس وأطيعك
واحـرّم الـزاد وقوتـي بيـن اصابيعـك
النـاس ما هـي سـوا انظـر لصابيعـك
وان ردتنـي لك ولـف يا حلـت الابـراك
&&&&&&&&&
يا زين عقب التغلي لاح لي حاجبك
وبعشرتك دوم سلطانك تحت حاجبك
لولا الكبر لا قول يا سعد عين الذي حجبك
حبك براني وانشب ضامري أبلواي
تسعي بتلافي تنشد عن سبب بلواي
مو انته سبب هيمتي وانته سبب بلواي
بلواي منك ومن عينك ومن حاجبك
&&&&&&&&&
إن كان دهرك سقاك من المرار اصبر
شيفيد لو كفخت فوق الوجان اصبر
قبلك وكم أرسلوا لأهل القبور اصبر
راحوا و تذكيرهم بين الملا ما خفت
و المشتكي بيس من بعد الفراق و خفت
هودو نار الغضى تمسي و تصبح خفت
واعتصم بالله و على النايبات اصبر
&&&&&&&&&
شاللي مطيحـك يا قـلب بحبالهـم وشـراك
هذا الذي أنحلك سقـم الهـوى وشـراك
الصاحب اللي ما رهم وشره على وشـراك
من بحر جـوده ولا له بالوصـال جـدود
عنهم تنحيـت ونيـران الصـدود وجـود
عاشر أصيل كل ما طـال الزمـان يجـود
&&&&&&&&&
دنيـاك هـذي فـلا أوفــت لصـاحبـها
غـدارة الكـل لا إنسان صـاحـي بـها
الصح فيـها عـوج والعـوج صـح بـها
قصيرها طـال واللي طـال فيـها قصـر
بفعالـها أرخصت ابن المكـارم وقصـر
للجـود حطـت وللأنـذال أعلت قصـر
الرجل فيـها سكـت والنـذل صـاح بـها
&&&&&&&&&
يا من يدور الستر بالناس ورضاهم
خصا بالأصحاب نرضيهم و نرضاهم
يا رب برضاك ترضينا و ترضاهم
خطيت نفسي أدور رضاك يا الصاحب
قصدي عن اللاش يفتن عرضه الصاحب
اترك ردى النفس و الصاحب هو الصاحب
واعرف ترى الناس مولاهم فلا أرضاهم
&&&&&&&&&
حفظ الله الكويت أميرا وشعبا من كل مكروه
دمتم بود ......
وسعوا صدوركم