تأليف : مدونة الكويت ثم الكويت
لي صاحب لين هبت نسايم الشوق في مهجته طار بك مثل طير الحمام
ولين عسعس إبليس بمخيلته قط عليك إذن من طين وعجين ولا هو بداري
له من الوعود أشكال وإعجاب وألوان مثل لوحة فنان
بكيفه يوزع صكوك الوفا فيها جنه حاكم الأزمانينفخون في سره بسرعة أنباء و أخبار الأوطان
وهو المسكين عاش دور الفرسان والسيف والصولجان
اضحكوا عليه يحسب بحجوته مفتاح السر والأمان
شتسوي يا مسكين لين حجت حجايجها وشفت نفسك بالظلام
وقصة الفرسان صارت جذبة الأوطان
ومن انفخو فيك انفضوك مثل نفضة الفنجان
أنت حر يا بن الأحرار وجم من حر وحر اطحنتهم حبسة الجدران
والأنذال يضحكون ويرفعون كاسات الانتصار
آآآه يا تاريخ الأوطان لي متى كسرات العز والشرف والانهزام
افهم ماني منافس على كرسي الوجاهة والانكسار
أبي أبعدك عن حلم جميل وهو في الحقيقة كابوس الانهيار
لا توصخ ثوبك ولا يخدشون معدنك بابتسامة الأنذال
ترفع وارفع ترى مقامك حر وعالي بين شوية عبيد الدينار
تأليف : مدونة الكويت ثم الكويت
تعتقد أنك مالك جيمه بوسط هالزحام
لا تلبس نظارة الوهم وافهم معنى الأمر لأن الجد بان
أحنا خلايق بهالزمن وكل له وقته بضحكه وجده والمحصلة والبيان
حطيت لك القلم والكتاب وأخذت منك عهد ووعد وسديت أنت بيدك البيبان
صرختي انفعالي ثورتي ما هي لأجل الزور والظن والبهتان
اشهد يا رب الخلايق والأرواح عن زين المعادن حذرته وعلمته عن أمر عظيم البنان
هو بالواقع يعرف معنى الكلام ويعرف منزلته بالوفا والتمام
افهم يا فهيم ترى العمر فاني وطلع دفتر خبرتك وتعلم من تجربتك بين الوقت والأنذال
حذرك يغرونك يا أصيل النسب ويبيعونك بأبخس الأثمان
لك يا وطن رب يحميك وقلوب تحوطك ودفيك ولعنة الله على من يغدر ويطعن فيك
تأليف : مدونة الكويت ثم الكويت
ضنيت يا صاحبي إني ناسيك ومجافيك
ضنيت بذيج الأيام بحلوها ومرها وأنسى لياليك
شنهو العمل لين استحكمت عليك همومك ودنياك
عشنا ليالي وليالي بين مغنى وفن وبين صفقه وكف
أحاول أكابر وأتفائل وأقول الأمل باقي بس يجيني كف ورا كف
كفكف دموعك لازال طيبك باقي مثل السيف لين هف
تصدمنا دنيانا وتجرعنا آهاتنا جنه صقال ما بين الطيران والدف
ماني بناكر وجاحد لا حشى بس أركزت همومي هم فوق هم
أتعمد أجافيك أتعمد جني ما أبيك لأجل لا تعيش معاي بوسط الغم
أحسن الظن يا بن الكرام تراني صاحبك وما عليك من الهمز واللمز
تأليف : مدونة الكويت ثم الكويت
اختلفوا أقرب أثنين أناملي وأوتاري
تعاندو ما بين قلبي وأفكاري
هذا يصرخ بأسى على الغالي
وهذا محتج ليش خلاني بحالي
حبيت أصلح ما بينهم لقيت صراخهم عالي
هذا يون وهذا مجروح من جور اللي ما يبالي
قلت وبعدين ترى هفت الروح على أوتاري
أنطقت بروحها تقدر أناملك أترجم حالي
قلت لأ كل شي يهون إلا أناملي وأوتاري
أدري أنك تحس بعروق الروح وبأوجاعي
قال ليش أطرب وأغرد وأنا المكروب شنهو الداعي
علمني شنهو يداوي أنيني لجل أطربك من ألحاني
قلت بس لا أنامل ولا وتر يختصمون بالتالي
أنا وقلبي بنشيل همكم بعد شبقالي
هذا أمر جلل لأول مره تختصم أناملي وأوتاري
صعب أشرحلك الحالة بعد جروحك لروحي
لنا زمان يداوي بس الجرح يبقى بأفكاري
أصعب وقت لين مر سراب صوتك جبالي
اتلفت يمين وشمال وأسمع أنين أوتاري
شنهو يداوى أوتاري شنهو يداوى أوتاري
تخربطت وما ميزت بين فكري وروحي وحالي
أناملي وأوتاري بس ترى انتو كل أحوالي وكياني
دمتم بود ...
وسعوا صدوركم