تأليف مدونة الكــويت ثم الكــويت
حسيتك من غير ما أشوفك
عرفتك من غير ما أسمع صوتك
تخيّلت حتى شمة وريحة عطرك
أتابعك وأراقبك وأتفزز على دخلتك
يا إنسان تصدّق أحس أنك اتعرفني ؟
يا أنت إي أنت أدري ومتأكد أنك تفهمني !
إهي الصدف ولا صروف الليالي
أهو القدر ولا جنون وخبال خيالي ؟
إي ودي فيك كلي على بعضي أبيك
ساعات أتفزز من عز نومي من طاريك
يا كثر ما أسرح فيك وبخيالي أناجيك
يا أخي خلّص وقول تجيني ولا أجيك ؟
بس لحظة ! ما أدري إن جان ودك وتبيني
؟
خوفي من صدمة قلب وألم تجويني
ودي الحين أمرك بس خايف تردني
وتأذيني
أنت تفهم شنو يعني تردني وتأذيني ؟
يا هي حسرة وحيرة وارتباك
يا هو خوف من مغامرة حب وارتباط
يا هي لحظات من خوف بقصتي معاك
يا هي ثواني تذبح القلب وعذبني هواك
حاجني كلمني بألغاز بس أنت فهمني
؟
أنا شنو بالنسبة لك خيال سراب قول
علمني ؟
ذبحت صمتي لو بالإشارة وضح وأشر لي
أيا حيرة أيا شوارع وديره أحد يشور
ويفتيلي
يعني أهجرك وأنساك وأطوي صفحتك ؟
يعني أتجاهلك وأنسى هواي وغرامي معاك
؟
مشكلتي إني كل يوم أشوف صورة قهوتك
أتخيل همسك وكلامك وهدوئك وبسمتك
أنت بس أشر يا بشر انطق وقول أبيك
قول تراني ولهان شفقان بس أبي كلمتك
أبي أمانك أبي حنانك أبي يمي وقفتك
تكفه اعذرني إن جان صمتي وهمسي أزعجك
دمتم بود ...
وسعوا صدوركم