الجمعة، 8 يوليو، 2011

عندما يستهبل ويستعبط الكويتي ؟


تقوله : في فساد !
يقولك وين ؟
تقوله : مستشفياتنا تعبانه !
يقولك منو يقول ؟
تقوله : الديون شلخت الكويتيين !
يقولك : قلعتهم ؟
تقوله : في لعب بالمناقصات !
يقولك : أثبت كلامك ؟
تقوله : ارجع لتقارير ديوان المحاسبة !
يقولك : من له خلق يقرا هالتقارير ؟
تقوله : الشوارع زحمه !
يقولك : شلون يعني تبي يفضولك الشوارع ؟
تقوله : نسبة الوافدين تخرع !
يقولك : ومنو يوزع الجرايد الفجر ؟
تقوله : في 100 ألف مخالف للإقامة !
يقولك : ومنو يابهم الكويت ؟
تقوله : في ارتفاع مرعب في معدلات الطلاق !
يقولك : شي طيب وزين علشان العزوبية ؟
تقوله : السجون غير صالحة حتى للحيوان !
يقولك : بسيطه شيلهم ووزعهم على فنادق الكويت ؟
تقوله : مجلس الأمة أذانا !
يقولك : والحكومة هم أذتنا ؟
تقوله : بالكويت الكل صار محلل وسياسي !
يقولك : ما ينلامون مفلسين ومديونين ؟
تقوله : ليش الكويتي ينطر البيت عقب 15 سنه !
يقولك : وخل ينطر شنو اهو قاعد بالشارع ؟
تقوله : شرايك بالثورات اللي قاعده تصير !
يقولك : هذا شغل عمتنا أمريكا مالكم شغل ؟
تقوله : شرايك باللحوم الفاسدة !
يقولك : ليش أنتو الصالحين ؟
تقوله : شرايك بالإسلاميين !
يقولك : مينن ولا تأذن يعطونك فلوس ؟
تقوله : شلون شتقصد !
يقولك : شكو أدفع راتب لمؤذن ؟
تقوله : أهااا يعني تقر في فساد !
يقولك : هذي سياسة شفهمكم أنتو ؟
تقوله : أنت مرتاح بالكويت !
يقولك : خل أقعد فيها بالأول ؟
تقوله عيل أنت ما تدري شي عن الكويت !
يقولك : امبلا أعرف كل شي فيها ؟
تقوله : شلون !
يقولك من طلبات المساعدات اللي اتقدم لي ؟
تقوله : المهم أنت شلون صحتك الحين !
يقولك : وايد تعبان وشكلي ماراح أطول ؟
تقوله : الله يهديك ويشفيك ويردك لأهلك معافى !
يقولك : أمين وادعولي ؟




ما سبق كان حوار هاتفي سريع مع ثري كويتي لطالما كان يضحك على كل شيء معتقدا أنه فوق الناس وغير البشر لدرجة أنه يتربع على صالات القمار في ضواحي أوروبا في شهر رمضان المبارك .... بل أنه لا يعرف كيف يصرف ثروته حتى وصل إلى مرحلة التحدي بأنه يستطيع أن يشتري بشرا ليفعل بهم ما يشاء فتجد حوله البطانة الفاسدة من كل حدب وصوب ومن مختلف الجنسيات ... فكانت اللحظة الإلهية التي جعلته رغما عن أنفه يعرف أن الله حق وأن الساعة حق وأن الجنة حق وأن النار حق وأن القضاء والقدر حق ليصارع سرطان الفم في أعرق وأكبر مستشفيات الولايات المتحدة الأمريكية  .... مع تمنياتي له بالصحة والعافية والشفاء العاجل واستخلاص العبر مما يمر فيه ؟





اللهم متعنا بالصحة والعافية لنا ولكم ولأمة محمد والمسلمين أجمع





وسعوا صدوركم بس 

video

video
video

video