تأليف : مدونة الكويت ثم الكويت
إنت جذبه للأسف صدقتها
إنت قصه للأسف عشتها
إنت لحظات يا مغرور دمرتها
إنت الحان على أنغامي جرحتها
ليش غلطتي إني وفيت
ليش عيبي إني شكيت
ليش بلعت جروحي وسكت
ليش تحملت ظنونك ومشيت
ليتك كنت مثل ما عرفتك
ليتك صرت مثل ما كلمتك
ليتك ما غرقتني بقوع بحرك
ليتك رحت وما تركت جرحك
على بالك طعنات الغدر بدوم
على بالك بتروح وما اييك يوم
على بالك الظلم يبحر مثل البوم
على بالك بتفرح بغدر المظلوم
مصيبة على بالك أنت دايم صح
مصيبة إذا تظن أنت فعلا صح
مصيبة لو تكرر غدرك وتفرح
مصيبة إذا حياتك تصيب وتجرح
ياما شفت من زماني أيام وليالي
ياما صبرت على شقى أصحابي
ياما تحملت طعنات خلاني و أحبابي
ياما تبسمت جدام الناس وأنا أعاني
إنت جذبه خذت منى شي كبير وكثير
إنت جذبه خلت قلبي ضايج و أسير
إنت جذبه خلت القلب مجروح وكسير
إنت جذبه خلتني بيوم أفرح وأطير
كابر ومثل دور المهموم والمجروح
كابر وافضح أنك المسكين والمطروح
كابر بأعلى صوتك ليما تصير مبحوح
لكن تقدر تنكر بينك وبين ذاتك أنك قتلت الروح