واحد كان مسرع مره على الخط ومعاه زوجته ، فجأة شاف في المنظرة شرطي
يأشر له ، وقف الريال سيارته ونزل له الشرطي
فسأله الريال : شنو المشكلة ؟؟
الشرطي : أنت كنت مسرع فوق الـ180 كيلو في الساعة وهذا الطريق سرعته القصوى ستين كيلو في الساعة ، عشان جذي أنا راح أعطيك مخالفه .
الريال : لا ما عليه أنا كنت متعدي الستين60 بشويه بس
الزوجة : أنت كنت ماشي على الأقل 160
الزوج نظر لزوجته نظره حقد
الشرطي: أعطيك مخالفه بعد علشان الضوء الخلفي مكسور
الريل : مكسور ؟؟ أنا ما كنت ادري انه مكسور
الزوجة : اي أنت كنت عارف عن اللمبة أنها مكسورة من جم أسبوع ؟
وعطاها الزوج نظرة حقد ثانيه
الشرطي : أعطيك ورقه إنذار عن عدم ربط حزام الأمان
الريال : اي أنا فكيته لما وقفت السيارة ونزلت أنت عندنا
الزوجة : لالالا أنت ما عمرك ربطت حزام الأمان
التفت الزوج لزوجته وصـرخ عليها : أنتي ما تعرفين تسكتين أبدا ؟
سأل الشرطي الزوجة : لو سمحتي اهو دايماً يصرخ عليج جذي ؟
الزوجة : لا بس لما يكون سكران ؟
الشرطي : سكران !!!
الريال : لالالا تصدقها
الزوجة : ما عليك منه لاقين البطل في السيارة يوم بقناها ؟
الشرطي : يعني السيارة مسروقة
الريال : شنو !!! ؟؟؟...الله يهديك لاتصدق هذي ، ويلتفت إلى الزوجة ويقول لها .... لا تخليني أطلقج الحين ؟
الشرطي : هل هو دايماً يهددج جذي بالطلاق ؟
السيدة : خليه بالأول يتزوجني وبعدين يهدد بالطلاق !!!
=======
اسمع وشوف واضحك
http://www.youtube.com/watch?v=NvQfD657JvA
ثلاث سكارى وقفوا تكسي ؟ التاكسي عرف أنهم سكارى ... شغل السيارة
شوي ورجع طفاها ظنوا أنهم وصلوا ؟؟؟ الأول عطاه الفلوس .. الثاني قال له شكرا ... الثالث صكه كف وقاله : مره ثانية لا تسرع يا الأثول !
=========
ملاحظة : ناصر الخرافي وري الثراى ونزل إلى قاع الأرض وتعمدت أن أكتب أخر موضوع بخصوصه قبل الصلاة عليه ودفانة لذلك أعتذر عن عدم الرد على أي استفسار أو سؤال لرجل أصبح في ذمة الله ... رحم الله أمواتنا وأموات المسلمين ؟
حفظ الله الكويت أميرا وشعبا من كل مكروه
دمتم بود
وسعوا صدوركم بس