بلمــح البصــــر
تأليف : مدونة الكويت ثم الكويت
كنت بيوم أدور بين أوراقي
كنت حالي حال كل يوم عادي
كنت أفكر شنهو باجر واللي راح يجرالي
كنت أقلب دفتر ماضيي وأحوالي
فجأه وبصدمه إنسان بسيط وخالي
ادخلت للروح لا ارجوك ولا طلب جبالي
سولفت مع الروح وطقت باب القلب وانا بحالي
ادهشتني شلون تنطق الروح مع الغريب شجرالي
اتوازن اسيطر امسك اعصابي احاول اخفف اندفاعي
يا بنت منهو أنتي وشنهو أنتي وشتبين من حالي
قالت أنا القدر والمكتوب اهدى وعبر باللي يدور ابالك
قلت ربي سترك ماني ناقص جروح وهموم وأنت أدرى بحالي
قالت واشرحت وفسرت وانا كلي دهشه شنو التالي
لا تحسب أنها أيام وليالي لا اهي ساعات ولحظات بس جبالي
اهي ادخلت فجأه جنها بلسم غريب جميل ولا بالخيالي
ثم اطلعت مني فجأه مثل خبزة تشلعها بين لهيب ناري
ربي لطفك بعبدك الفقير الذليل لك وان كنت عاصي
تقول إنها الغلا تقول إنها الشوق تقول إنها كل الأماني
هذي لحظات اقلبت أركاني والعبت بحسبة حالي
عيل لو كانت مواقف وذكريات وأيام وليالي شكان حالي
رب الخلايق مالي غيرك أنت الحافظ من كل سوء الأقداري
وافهم يا بن أدم ترى دمارك بداخلك واحساسك بقلبك
معذور ان كنت فقير الحنان بزمن الغدر والخيانة والنار
معذور لين ضاقت وما لقيت حتى من يفهمك ويسمعك
توني أعرف الفقير فقير القلب مو فقير الحال واللي بمخباتك
ادخلت واطلعت بلمح البصر بس الروح من الماضي تعاني
=================
كلنــــا ظــــروف
تأليف : مدونة الكويت ثم الكويت
كلنا ظروف وبالقلوب جروح
كلنا ظروف وفينا لهفة الملهوف
كلنا ظروف وننطر من يسكن الروح
تهقى تعلمنا من صراخ الصوت المبحوح
لا واللي نفخ فيك الروح لا تظن أنك بتروح
أنا أسكن عقلك وأفكارك لو الجسم مطروح
احجيلك بلهجتنا احجيلك بلغتنا هم ببني صروح
شللي يخليني أخونك وأنت نبض القلب والعروق
شللي يخليني أشوف غيرك وأنت عن عيني ما تروح
أنت نعمه لأ أنت صدفه لأ أنت قدر تسطر ومكتوب
تعال أسقيك من خبرتي ومن عثرتي ولا بيوم تكون مجروح
هزيت كل المشاعر يا ترف المحاسن ويا زين صفت السنون
سبحان من نقش خشمك ورزه مثل السيف المسلول
يا ربي شلون صورت هالجمال وعين هالمزيون
توقف الدنيا كلها لين ضحك قول أضيع وأنا المفتون
خاف ربك فيني ترى الكبر شين دخيلك لا أصير مجنون
إي والله كلنا ظروف لكن أنت دواي وطبيب الجروح
فهمي كلامي وحروفي وما بين السطور
وخلي كلماتي تفوح وين ما تروحين مثل النور
دمتم بود .....
وسعوا صدوركم