قضية البدون مضى عليها أكثر من 50 عام وهالناس أي البدون ماتت ناس ونولدت ناس وهذا حالته كسيفه وهذا مسكين وهذا حرامي وهذا شريف وهذا جذاب وهذا صاج وهذا صج صج عراقي وهذا صج صج سوري وهذا صج صج يستحق الجنسية وسنين وسنين وكرة الثلج ( اتدربح ) وأخرتها حليتوها بأسبوع ؟؟؟؟؟؟؟؟
الحين طول هالمده مخلين الكويت والقضية وأخرتها يطلعون جم واوي يكفخونكم ويكسرون سياراتكم وعقبها تقولون السمع والطاعة وحاضرين وهاكم حقوقكم !!!!!!!!!
ليش أنت يا المسئول المجرم ما حليتها من زمان ؟
ليش أنت يا المسئول الفاشل ما حسمتها من قبل ؟
ليش أنت يابو العريف ما عرفتها وخلصتها ؟
أبي أعرف إجابة وحده بس :
شلون أنا يا مواطن شلون تبوني أصدقكم مني ورايح شلووووون ؟
يا حكومة يا رئيسها يا وزير شلون حليتوها بأسبوع ؟
يا مجلس يا رئيسه الخرطي شلون حليتوها بأسبوع ؟
واللي يقول هذا قرار سياسي راح أقوله جــــذاب جـــــذاب وأصابعي بعيونك
شوف يا عموووو أنت وياه
الكويت مو ديرة أبوكم ولا اللي خلفوكم ولا اهي باسمكم ولا باسم اللي خلفوكم علشان تقعدون تلعبون بالكويت وسمعتها طول هالسنين وبأسبوع وبمزاجكم تحلون هالمصيبة
تدري يا الغبي إن بعد إقرار حقوقهم المدنية والإنسانية يحق لهم ولمن سبقهم وحتى الأموات يحق لورثتهم إنهم يطالبون بالتعويض المناسب وغصبا على خشمك تدفع لهم وإن ما دفعت لهم ... في المحاكم المدنية في بروكسل المختصة في النظر في الدعاوي المدنية الخاصة في الأفراد والكويت من ضمن الدول الموقعة عليها يحق لها النظر والحكم على دولة الكويت وبالتالي حكومة الكويت ( الخرطي ) مجبره على التنفيذ وإن لم تنفذ حكومتنا فإن الأحكام ترفع لهيئة الأمم المتحدة التي وبحكم قوتها سوف تركع الكويت أمامها ... عاد تعال وشوف جم تعويض كل واحد منهم ؟؟؟
إحنا ضرر نفسي من جراء الغزو 7شهور ودفعنا العراق أكثر من 2 مليار دولار فقط ضرر نفسي عاد تعال وفجج مع الطيبين ؟؟؟
شفت شلون يا النابغة أنت فتحت باب الله يستر منه صج صج الله يستر منه
أنت لو حاسمها وقايل أنت تفضل جنسية وفكنا وأنت لدينا ما يثبت بالوثائق والاتصالات الدبلوماسية أنك مواطن عراقي أو سوري أو سعودي أو إيراني حط إقامتك ولا تسفير لديرتك جان قلبت المعادلة ؟؟؟
طول عمركم شغلكم ترقع بترقع وخوف وتصرقع
في فار طلع له المارد وقاله آمر قاله أبي أصير قطو القطو اللي عندنا مأذيني ، سواه قطو ، قاله تعال يا معود هذا جلب فريجنا لعن أبو خيري ( يتدقسلي = يتحبلي ) بالسكيك اقلبني جلب ، سواه جلب ، قاله تعال يا الحبيب جارنا كل ما يشوفني يلحقني بعصاة اقلبني وسوني إنسان ، قاله لو أسويك حتى أسد دام قلبك قلب فار شالفايده ؟؟؟
اذبحتنا قلوب الفيران والله يرحم ذيج الأيام اللي الفار بدينار ونلحقه بطل ( كراش )
حفظ الله الكويت أميرا وشعبا من كل مكروه
دمتم بود .......
وسعوا صدوركم بس